Zeiruangah Misual Kan Si
5Zeicahdah nan puar chin lengmang ko? Fak chinchin in dantat maw nan duh? Israel mi hna, nan lu cu hma a khat i nan lungthin le nan ruahnak cu a zaw. 6Nan kechik in nan luthlung tiang, nan pum cungah hin khuazei hmanh ah damnak a um lo, hma le rung in nan khat dih. Nan hma cu an in ṭawlpiak hna lo i an in tuampiak hna lo. Si zong an in thuhpiak hna lo.
Cangal in naa kholh nain le chatpiat tampi na hmang nain, Na sualnak cu ka hmaiah a lang ṭhiamṭhiam ko, tiah Bawipa Pathian nih a ti.
Nangmah nih cun naa thawh i, ‘ka sual lo, a thinhunnak a dam diam cang,’ na ti. Zohhmanh, ‘Ka sual lo,’ na timi cu kan zuam lai.
Ka va hngalhmi cu mah vial hi a si ko: Pathian nih hin cun minung hi tliang tein a kan ser ko, sihmanhsehlaw kanmah le kanmah nih hin hnawk ngaiin kan i ser.
