Zeitindah Pathian Nih Khamhnak A Kan Tuah Piak
4“Asinain zawtnak a inmi cu kanmah nih kan rak in hngami kha a si i nganfahnak a tuarmi cu kanmah nih kan rak tuar hngami kha a si. Temhnak a inmi cu, Pathian nih a cungah dantatnak a tluntermi a si, tiin kan rak ruah zungzal. 5Sihmanhsehlaw hma a in cu kan sual ruangah a rak si i tuknak a huah cu kan ṭhat lo ruangah a rak si. A inmi dantatnak in luatnak kan hmu i an tuknak vual in damnak kan hmu. 6Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.
9Sualnak zeihmanh a tuah bal lo nain le lih pakhat hmanh a chim bal lo nain misual mi hna he khan thlan khat ah an vui ṭi i mirum mi hna sinah khan an vui.” 12Cucaah amah cu upatnak hmun ka pek lai, milian mingan le miṭhawng hna lakah hmun ka pek lai. A nunnak kha i awṭawm lo tein pek a sian i misual mi kha an in ding cu a inpi hna,” a ti.
